Planong tutukan ng Duterte administration ang mga isyu ng renewal ng lisensiya, passport validity, pagbaba ng income tax at solusyon sa matinding traffic sa Metro Manila.
Ayon kay incoming Budget Sec. Benjamin Diokno, irerekomenda raw niya na pahabain ang validity ng drivers license.
Aniya mula sa dating tatlong taon na validity ay balak niya itong irekomendang gawing limang taon.
Sa pasaporte naman ang limang taon na validity bago mag-renew ay gagawing 10 taon.
Maliban dito, plano rin daw ng bagong administrasyon na ibaba ang income tax at bigyan ng agarang solusyon ang nararanasang matinding traffic sa Metro Manila.
Giit ni Diokno, gagawin nila ang mga naturang hakbang dahil ayaw ni incoming President Rodrigo Duterte na nahihirapan ang kanyang mga kababayan.
ConversionConversion EmoticonEmoticon